പരാതി പരിഹാരം
പരാതി പരിഹാര സംവിധാനങ്ങൾ
പൊതുജനങ്ങൾക്ക് അവരുടെ പരാതികൾ, സേവനങ്ങളുമായി ബന്ധപ്പെട്ട ബുദ്ധിമുട്ടുകൾ, അഴിമതി സംബന്ധമായ വിവരങ്ങൾ, അപ്പീലുകൾ എന്നിവ ബന്ധപ്പെട്ട അധികാരികളുടെ ശ്രദ്ധയിൽപ്പെടുത്തുന്നതിനും വേഗത്തിൽ പരിഹാരം ലഭിക്കുന്നതിനുമായി വിവിധ പരാതി പരിഹാര സംവിധാനങ്ങൾ സർക്കാർ ഒരുക്കിയിട്ടുണ്ട്. അവയെക്കുറിച്ചുള്ള വിവരങ്ങൾ താഴെ നൽകിയിരിക്കുന്നു.
തദ്ദേശ ഒംബുഡ്സ്മാൻ
തദ്ദേശ സ്വയംഭരണ സ്ഥാപനങ്ങളുമായി ബന്ധപ്പെട്ട പരാതികൾ പരിശോധിക്കുകയും ആവശ്യമായ പരിഹാര നിർദ്ദേശങ്ങൾ നൽകുകയും ചെയ്യുന്ന സ്വതന്ത്ര അധികാര സ്ഥാപനമാണ് തദ്ദേശ ഒംബുഡ്സ്മാൻ.
വിലാസം - Saphalyam Complex, 4th Floor, Trida Building, University P.O., Thiruvananthapuram – 695034. ഫോൺ: 0471-2333542, Email: ombudsmanlsgi@gmail.com
തദ്ദേശ ട്രൈബ്യൂണൽ
തദ്ദേശ സ്വയംഭരണ സ്ഥാപനങ്ങളുടെ വിവിധ തീരുമാനങ്ങൾക്കെതിരായ അപ്പീലുകളും നിയമപരമായ പരാതികളും പരിഗണിക്കുന്ന പ്രത്യേക അപ്പീൽ സംവിധാനമാണ് തദ്ദേശ ട്രൈബ്യൂണൽ.
വിലാസം- Sreemoolam Buildings, Court Complex, Vanchiyoor, Thiruvananthapuram. ഫോൺ: 0471-2478394 / 9447768394, Email: lsgitribunal@gmail.com
മുഖ്യമന്ത്രിയുടെ പോർട്ടൽ
വിവിധ സർക്കാർ വകുപ്പുകളുമായി ബന്ധപ്പെട്ട പരാതികളും നിർദ്ദേശങ്ങളും പൊതുജനങ്ങൾക്ക് നേരിട്ട് മുഖ്യമന്ത്രിയുടെ ഓഫീസിലേക്ക് ഓൺലൈനായി സമർപ്പിക്കാനാകുന്ന സംവിധാനമാണ് മുഖ്യമന്ത്രിയുടെ പരാതി പരിഹാര പോർട്ടൽ.
വിലാസം- മുഖ്യമന്ത്രിയുടെ പൊതുജന പരാതി പരിഹാര സംവിധാനം, സെക്രട്ടേറിയറ്റ്, തിരുവനന്തപുരം – 695001. ടോൾ ഫ്രീ: 1076
കെ-സ്മാർട്ട് പോർട്ടൽ
തദ്ദേശ സ്വയംഭരണ സ്ഥാപനങ്ങളുടെ സേവനങ്ങൾ ഓൺലൈനായി ലഭ്യമാക്കുന്ന ഏകീകൃത ഡിജിറ്റൽ പ്ലാറ്റ്ഫോമാണ് കെ-സ്മാർട്ട്. സേവന അപേക്ഷകൾ, പരാതികള്, സർട്ടിഫിക്കറ്റുകൾ, നികുതി അടവ് തുടങ്ങിയവ ഈ സംവിധാനത്തിലൂടെ നടത്താം.
വിജിലൻസ് വിഭാഗം
അഴിമതി, അധികാര ദുരുപയോഗം, പൊതുസമ്പത്തിന്റെ ദുരുപയോഗം തുടങ്ങിയ വിഷയങ്ങളിൽ പരാതികൾ നൽകുന്നതിനുള്ള സർക്കാർ വിജിലൻസ് സംവിധാനമാണ് വിജിലൻസ് & ആന്റി കറപ്ഷൻ ബ്യൂറോ.
വിലാസം- VACB Headquarters, Vikas Bhavan, Law College Road, Palayam, Thiruvananthapuram – 695033. ടോൾ ഫ്രീ: 1064, WhatsApp: 94477 89100, ഫോൺ: 0471-2305393 / 2305033, Email: vig.vacb@kerala.gov.in
പൊതുജനങ്ങൾക്ക് അവരുടെ പരാതികൾ സുതാര്യമായും സമയബന്ധിതമായും പരിഹരിക്കുന്നതിനായി മുകളിൽ നൽകിയിരിക്കുന്ന ഓൺലൈൻ സംവിധാനങ്ങൾ പ്രയോജനപ്പെടുത്താവുന്നതാണ്. ബന്ധപ്പെട്ട പോർട്ടലുകളിൽ പരാതി രജിസ്റ്റർ ചെയ്ത ശേഷം അതിന്റെ നിലവിവരവും ഓൺലൈനായി പിന്തുടരാൻ കഴിയും.